ភ្នំពេញ​៖ នា​ព្រឹក​ថ្ងៃទី​២៥ ខែធ្នូ ឆ្នាំ​២០១៥ មាន​បើក​កិច្ចប្រជុំ​សាមញ្ញ​លើក​ទី​១៩ របស់​ក្រុមប្រឹក្សា​ខណ្ឌ​ព្រែក​ព្នៅ អណ​ត្តិ​ទី​២ ដើម្បី​ពិនិត្យ និង​អនុម័ត​សេចក្តីព្រាង​នានា​នៃ​កិច្ចប្រជុំ​សាមញ្ញ​លើក​ទី​១៨ នៅ​សាលប្រជុំ​សាលាខណ្ឌ​ព្រែក​ព្នៅ ស្ថិតក្នុង​ខណ្ឌ​ព្រែក​ព្នៅ រាជធានី​ភ្នំពេញ ។​

​ក្នុងឱកាស​នេះ មានការ​អញ្ជើញ​ចូលរួម​ដោយ លោក​-​លោកស្រី សមាជិក​ក្រុមប្រឹក្សា​ខណ្ឌ លោកនាយក លោក​-​លោកស្រី ប្រធាន​-​អនុប្រធាន​ការិយាល័យ​ចំណុះ​ជំនាញ​ជុំវិញ​ខណ្ឌ លោក​-​លោកស្រី ចៅសង្កាត់​ទាំង​៥ លោក​អធិការនគរបាល​ខណ្ឌ លោក​មេបញ្ជាការ​កងរាជអាវុធហត្ថ​ខណ្ឌ និង​មន្ត្រី​សាលាខណ្ឌ​សរុប ៥៥​នាក់ ក្រោម​អធិបតីភាព​លោក ម៉ៅ បូរ៉ា ប្រធាន​ក្រុមប្រឹក្សា​ខណ្ឌ លោក សុខ សម្បត្តិ អភិបាល​នៃ​គណៈ​អភិបាលខណ្ឌ និង​លោក​-​លោកស្រី​អភិបាលរងខណ្ឌ​។​

​កិច្ចប្រជុំ​នេះ ធ្វើឡើង​ក្រោម​របៀបវារៈ​ដូចជា​៖ ១- ពិនិត្យ និង​អនុម័ត​សេចក្តីព្រាង​កំណត់ហេតុ​កិច្ចប្រជុំ​សាមញ្ញ​លើក​ទី​១៨ អណ​ត្តិ​ទី​២ របស់​ក្រុមប្រឹក្សា​ខណ្ឌ​ព្រែក​ព្នៅ កាលពី​ថ្ងៃទី​២៧ ខែវិច្ឆិកា ឆ្នាំ​២០១៥ ។ ២- ពិនិត្យ និង​អនុម័ត​សេចក្តីព្រាង​របាយការណ៍​ប្រចាំ​ខែធ្នូ ឆ្នាំ​២០១៥ របស់​រដ្ឋបាល​ខណ្ឌ​ព្រែក​ព្នៅ ។ ៣- ពិនិត្យ និង​អនុម័ត​សេចក្តីព្រាង​របាយការណ៍​ប្រចាំ ឆ្នាំ​២០១៥ របស់​រដ្ឋបាល​ខណ្ឌ​ព្រែក​ព្នៅ ។ ៤-​ពិនិត្យ និង​អនុម័ត​តែងតាំង លោក ទុយ សុធា និង​លោក ម៉ក់ ចាន់​តា​រ៉ា ជា​អនុប្រធាន​ការិយាល័យ​រៀបចំ​ដែនដី នគររូបនីយកម្ម សំណង់ និង​ភូមិបាល​ខណ្ឌ​ព្រែក​ព្នៅ និង​លោក ខាំ ចាន់​ភូ​រ៉ា ជា​អនុប្រធាន​ការិយាល័យរ​ដ្ឋ​បាល និង​ហិរញ្ញវត្ថុ​ខណ្ឌ​ព្រែក​ព្នៅ ព្រមទាំង​បញ្ហា​ផ្សេងៗ​មួយចំនួនទៀត ៕

​